I.18
Precedente
Successivo
Palermo 1180, marzo, XIII ind.
[c. 17r A]
Orig.: Palermo, Bibl. Centr. della Regione Siciliana, Tabulario di S. Maria Nuova di Monreale, perg. nr. Balsamo 102, di mm. 495×310.
Cop.: Bibl. del Seminario Arcivescovile di Monreale, ms. XX.E.8.; Palermo, Bibl. Centr. della Regione Siciliana, Liber Pandectarum, ms. F.M. 14, f. 100' (sunto).
Ed.:
Garufi C.A., I documenti inediti dell'epoca normanna in Sicilia, in Documenti per servire alla storia di Sicilia pubblicata a cura della Società Siciliana per la Storia Patria, s. I, vol. 18, p. 171.
Reg.:
Lello G.L., Historia della Chiesa di Monreale, Palermo 1702, n. 24;
Behring W., Regesten der Normannischen Konighauses (1130-1197), in Sicilianische Studien, 2, Elbing 1887, n. 205 (senza mese nè indizione);
Garufi C.A., Catalogo illustrato del Tabulario di Santa Maria Nuova in Monreale, in Documenti per servire alla Storia di Sicilia pubblicati a cura della Società Siciliana per la Storia Patria, XIX, Palermo 1902, n. 28, p. 17.
Regesto:
Guglielmo II concede all’abbazia di Monreale la chiesa di Santo Spirito nel porto di Brindisi, costruita da Durante di Brindisi.
Tenor privilegii supradicti regis Guillelmi Secundi in quo concedit et donat ecclesie Montis Regalis ecclesiam Sancti Spiritus constructam in portu Brundusii cum omnibus tenimentis et pertinenciis suis. Capitulum XVIII.
In nomine dei eterni et salvatoris nostri Iesu Christi. Amen.
Willelmus divina favente clemencia rex Sicilie et principatus Capue(a).
Licet ex innata nobis clementia ecclesiis et locis venerabilibus per regnum nostrum constructis liberalitas nostra beneficia passim exhibeat interior tamen quasi naturalis nobis surgit affectus, cuius instintu regale monasterium nostrum Sancte Marie Nove quadam speciali prerogativa diligimus, ut tanto ipsum crebris beneficiis et assidua providencie nostre diligencia foveamus, quanto fundationis nostre celebritas nos delectat et factura manuum nostrarum familiarem benignitatis nostre favorem et gratiam promeretur.
Inde est, quod presenti scripto perpetuo valituro concedimus et donamus eidem monasterio ecclesiam Sancti Spiriti constructam in portu Brundusii que fuit Duranti de Brundusio et postea ad manus et regalia nostra pervenit cum omnibus tenimentis et pertinenciis suis, ut a modo in perpetuum ecclesia ipsa Sancti Spiriti libere et quiete sit ipsius monasterii et abbates qui(b) in eo monasterio statuti fuerint ecclesiam(c) ipsam cum omnibus tenimentis et pertinenciis suis tamquam ius et obedienciam suam ad utilitatem et servicium eiusdem monasterii nemine contradicente ordinent et disponant.
Ad huius autem concessionis(d) et donationis nostre memoriam et inviolabile firmamentum presens privilegium nostrum per manus scribi et bulla plumbea nostro tipario impressa iussimus roborari. Anno, mense et indictione subscriptis.
Data in urbe Panormi felici
per manus Gualterii venerabilis Panormitani archiepiscopi et Mathey vicecancellarii et Riccardi venerabilis Siracusani episcopi domini regis familiarium,
anno dominice incarnationis M°C° octogesimo, mense marcii, indictionis XIIIe, regni vero domini nostri Willelmi Dei gratia magnifici et gloriosissimi regis Sicilie, ducatus Apulie et principatus Capue anno XIIII°.
Feliciter. Amen.
† Ego Gualterius Panormitanus archiepiscopus subscripsi.
† Ego Matheus domini regis vicecancellarius et familiaris subscripsi.
† Ego Riccardus Siracusanus episcopus|.
Note:
(a) Nel codice manca il titolo di ducatus Apulie.
(b) Segue una lettera depennata, forse una e con lineetta soprascritta per e(st).
(c) Ma ecc(lesi)a nel codice.
(d) La seconda -i- corretta su precedente e.